Hillary Clinton

Hillary Diane Rodham Clinton [ˈhɪləɹiː daɪˈæn ˈɹɒdʊm ˈklɪntən] (* 26. Oktober 1947 z Chicago, Illinois as Hillary Diane Rodham) isch e US-amerikanischi Politikerin vo der Demokratische Partei und d Kandidatin vo ihre Partei für d US-Präsidentschaftswahl am 8. November 2016. Vo Jänner 2009 bis Jänner 2013 isch si Usseministerin vo de Vereinigte Staate gsii.

Vo 2001 bis 2009 isch si Senatorin für e Bundesstaat New York gsi. Bi de Vorwahle zur Präsidentschaftswahl 2008 het si für d Nominierig vo ihrer Partei kandidiert und het gege dr Barack Obama, wo denn dr 44. Präsident vo de Vereinigte Staate worden isch, noch ere lange und düüre Kampagne verlore. Im April 2015 het d Clinton aakündigt, dass si im Novämber 2016 wider als Kandidatin vo de Demokrate wett aaträtte. Bi de letschte Vorwahle im Juni 2016 het si si schliesslich gege ihre parteiinterne Konkurrent Bernie Sanders duregsetzt und isch am 26. Juli uf em Nominierungsparteitag vo de Demokrate z Philadelphia zur Kandidatin gwählt worde.

Si isch sit 1975 mit em Bill Clinton verheiratet, wo vo 1993 bis 2001 dr 42. Präsident vo de Vereinigte Staate gsi isch. Si hän zäme ne Tochter, Chelsea Victoria (* 1980).